讲波佬

以下内容含有一定地域内容,将会用粤语表述,请观众留意

话说CCTV嘅讲波佬hjx今日系意大利对澳大利亚比赛最后嘅激情解说,几乎成为咗各大媒体嘅头条,比意大利靠插水插入8强更加震撼.门户网站新浪更加系做咗专题报道:
http://2006.sina.com.cn/club/huangjiaxiang.html

讲番讲波佬,个人认为系体育转播时一个好重要嘅角色,以下评述特指足球同篮球嘅讲波佬.我认为一个好嘅讲波佬赛前应该对比赛两队嘅情况都有非常详细嘅了解,例如球队球员嘅各种资料都应该非常清楚,对阵容阵形有一定嘅睇法,点解出边个又唔出边个啊,边个点解又换咗个位置啊等等,即系俗语讲嘅做足功课啦,而比赛中讲波佬应该对场上大局有比较正确嘅掌握,能够向观众解释场上嘅各种情况,当然风趣幽默加上偶尔球员嘅花边新闻都系好好嘅点缀,另外好重要嘅一点系,讲波佬嘅职责系将球赛完完整整甘呈现系观众面前,应该公平讲波,唔take side嘅.相对来讲,广东嘅讲波佬比起北方嘅讲波佬好太多了.

今日hjx果几分钟嘅解说真系太搞笑了,如果无听过嘅朋友可以系以下链接听到:

http://2006.sina.com.cn/bbs/2006/0627/0127726.html

我都真系无乜好讲,好似某个网友留言所讲,"hjx回家喊你的意大利万岁去吧",呵呵.相比之下,前日岩岩听到广东体育何辉话,听佢讲波,你系肯定听唔出佢究竟支持边队波嘅,呵呵

我唔睇cctv5嘅所有篮球足球转播,其实道理好简单,讲波佬差,甚至间接导致我几年无睇过nba...以前听香港espn果班人,丁伟杰讲nba,杰仔,何辉,黄兴桂等等讲英超,实在系享受.我相信以前同依家系广州睇过波或者睇紧波嘅兄弟一定会同意.依家杰仔同何辉分别去咗广州竞赛同广东体育做讲波佬,好明显佢地嘅partner同佢地嘅水平系差好远嘅.不过今次世界杯广东体育嘅5个讲波佬嘅搭配表现非常之好,何辉仍然系专业讲波佬款,转行讲波嘅陈维聪成日搞笑,一有d咩判罚问题就会问老资格裁判陈sir,佢对裁判嘅点评都好好玩,加上广州嘅老资格教练一系周穗安一系苏永顺偶然嘅战术点评,一场闷波都睇得好开心,哈哈,系啦电视收唔到广东体育嘅朋友可以用系网上用ppstream睇到,大力推荐!

最后,个人觉得alex同波子非常有讲波佬嘅潜质,如果审计同法院做到闷闷地,可以考虑转行做讲波佬,嗯,哈哈哈哈